Բացահայտվել են ավելորդ քաշի անսպասելի օգուտները
Հասուն տարիքում ավելորդ քաշը միշտ չէ, որ մեծացնում է դեմենցիայի առաջացման ռիսկը, իսկ երբեմն նույնիսկ նվազեցնում է այն։ Այս եզրակացությանն են հանգել գիտնականները՝ հիմնվելով ARIC ընկերության կատարած ծավալուն հետազոտության տվյալների վրա։ Աշխատանքի արդյունքները հրապարակվել են Neurology ամսագրում։
Հետազոտությանը մասնակցել են մոտ 75 տարեկան ավելի քան հինգ հազար մարդ, որոնց հետևել են ութ տարի։ Այս ընթացքում մասնակիցների 20 տոկոսը զարգացրել է դեմենցիա։ Պարզվել է, որ ավելորդ քաշ և ճարպակալում ունեցող տարեց մարդիկ հիվանդության առաջացման ավելի ցածր ռիսկ են ունեցել՝ համեմատած նորմալ քաշ ունեցող իրենց հասակակիցների հետ։
Հատկապես խոցելի են եղել նրանք, ովքեր քաշ են կորցրել միջին տարիքի և ծերության միջև ընկած ժամանակահատվածում:
Հեղինակները ընդգծում են, որ ստացված արդյունքները բացատրում են «ճարպակալման պարադոքսը» տարեց տարիքում: Ավելորդ քաշն ինքնին չի պաշտպանում դեմենցիայից, իսկ քաշի կորուստը կարող է լինել թաքնված պաթոլոգիական պրոցեսների նշան, որոնք արագացնում են ուղեղի ծերացումը: Հետևաբար, արժե գնահատել ռիսկը ոչ միայն մարմնի զանգվածի ներկայիս ինդեքսով, այլև կյանքի ընթացքում քաշի փոփոխությունների դինամիկայով:
