Էդուարդ Սպերցյանն ընդգրկվել է ՌՊԼ-ի խորհրդանշական հավաքականում
Հայաստանի հավաքականի և «Կրասնոդարի» կիսապաշտպան Էդուարդ Սպերցյանը championat.com-ի վարկածով ընդգրկվել է Ռուսաստանի առաջնության վեցերորդ տուրի խորհրդանշական հավաքականում:
Օգոստոսի 24-ին կայացած «Կրիլյա Սովետովի» դեմ խաղում Սպերցյանը դարձել էր գոլի և երեք գոլային փոխանցման հեղինակ։ Հանդիպումն ավարտվել է «Կրասնոդարի» հաղթանակով` 6:0 հաշվով։
Նշենք, որ ընթացիկ մրցաշրջանում Էդուարդ Սպերցյանը Ռուսաստանի Պրեմյեր լիգայի առաջնությունում արդեն 4 գոլի և 7 գոլային փոխանցման հեղինակ է դարձել: Հայ ֆուտբոլիստի տրանսֆերային արժեքը կազմում է 25 մլն եվրո:
