Բրեդ Փիթը 12 միլիոն դոլարով առանձնատուն է գնել
Բրեդ Փիթը The Killers խմբի կիթառահար Դեյվ Քյունինգից և նրա կնոջից 12 միլիոն դոլար արժողությամբ առանձնատուն է գնել: 8000 քառակուսի մետր մակերեսով իսպանական ոճի տունը գտնվում է Հոլիվուդ Հիլզի շքեղ Outpost Estates թաղամասում:
1989 թվականին կառուցված առանձնատունն ունի վեց ննջասենյակ և ութ լոգարան: Հողատարածքը ներառում է նաև լողավազան, այգիներ և բարբեքյուի գոտի: Քյունինգը տունը գնել է 2021 թվականին, մոտ 9,6 միլիոն դոլարով և վաճառքի է հանել այն 2025 թվականի հունիսին:
Սա Փիթի առաջին տունը չէ Լոս Անջելեսում: Երկու ամիս առաջ Լոս-Ֆելիսում գտնվող նրա վիլլան կողոպտել էին: Ենթադրվում է, որ դերասանը որոշել է տեղափոխվել անվտանգության նկատառումներից ելնելով:
