«Բարսելոնան» փակել է Տեր Շտեգենի կարգապահական գործը և վերադարձրել նրան թիմի ավագի թևկապը
«Բարսելոնան» իր պաշտոնական կայքում հայտարարել է, որ դարպասապահ Մարկ-Անդրե տեր Շտեգենը ստորագրել է անհրաժեշտ փաստաթղթերը՝ դրանք Լա Լիգայի բժշկական կոմիտե ուղարկելու համար։
«Ակումբը տեղեկացնում է, որ Մարկ-Անդրե տեր Շտեգենը ստորագրել է ակումբի համար անհրաժեշտ լիազորագիրը՝ իր վիրահատության վերաբերյալ բժշկական եզրակացությունը Լա Լիգա ուղարկելու համար։
Կարգապահական գործը փակվել է, և խաղացողը կրկին դարձել է հիմնական թիմի ավագ»,- ասվում է «կապտանռնագույնների» հայտարարության մեջ։
