Սպառնալիքները մեզ չեն ստիպի հանձնվել․ «Հըզբոլլահի» առաջնորդ
Սպառնալիքները չեն ստիպի «Հըզբոլլահին» հանձնվել, լիբանանյան շարժումը պատրաստ է և՛ խաղաղության, և՛ պաշտպանության, հայտարարել է դրա առաջնորդ Նաիմ Ղասեմը։
«Սպառնալիքները մեզ չեն ստիպի հանձնվել։ Մեզնից չեն կարող պահանջել մեղմացնել մեր դիրքորոշումը կամ վայր դնել զենքերը շարունակվող ագրեսիայի լույսի ներքո»,– ասել է Ղասեմը։
Ավելի վաղ լիբանանյան քաղաքական շրջանակների մի աղբյուր Ռիա Նովոստիին հայտնել էր, որ «Հըզբոլլահ» շարժումը դեմ չի լինի Լիբանանի իշխանությունների՝ նախագահի, վարչապետի և խորհրդարանի խոսնակի կողմից ներկայացված համաձայնեցված դիրքորոշմանը շիաների դիմադրության զինաթափման վերաբերյալ ԱՄՆ առաջարկվող նախաձեռնությանը, եթե հայտարարված դիրքորոշումը արտահայտի ազգային համաձայնություն։
