Հայաստանում Ռուսաստանի և Չինաստանի դեսպանները քննարկել են Հարավային Կովկասում և հարակից տարածաշրջաններում ստեղծված իրավիճակը
Մայիսի 23-ին Ռուսաստանի Դեսպան Ս.Պ.Կոպիրկինը հանդիպում է ունեցել Հայաստանում Չինաստանի նորանշանակ Դեսպան Լի Սինվեյի հետ, ով քաղաքավարության այց է կատարել Ռուսաստանի դիվանագիտական առաքելություն։
Ս.Պ.Կոպիրկինը զրուցակցին պատմել է ռուս-հայկական համագործակցության զարգացման ընթացիկ փուլի մասին, որին խթան էր տրվել Ռուսաստանի արտաքին գործերի նախարար Ս.Վ.Լավրովի վերջերս Երևան կատարած աշխատանքային այցով։ Տեղի է ունեցել կարծիքների փոխանակում Հարավային Կովկասում և հարակից տարածաշրջաններում ստեղծված իրավիճակի վերաբերյալ։
Զրույցը տեղի է ունեցել ռուս-չինական ռազմավարական գործընկերային հարաբերություններին բնորոշ ջերմ և բարեկամական մթնոլորտում։
