Ուզում եմ նշել այն բարի ու ընկերական մթնոլորտը, որ այ պահին տիրում է այս դահլիճում. Գյումրիում ՌԴ հյուպատոս Իգոր Տիտով
Վարդան Ղուկասյանի քաղաքապետ ընտրվելով հայ և ռուս ժողովուրդների բարեկամությունն ավելի կամրապնդվի։ Գյումրու նորընտիր քաղաքապետի երդմնակալությունից հետո այս հայտարարությունն արեց Գյումրիում ՌԴ հյուպատոս Իգոր Տիտովը` շնորհավորելով Ղուկասյանին։
«Հուսով եմ, որ խնդիրների լուծման մոտեցումներում ձեր գիտելիքներն ու ինքնուրույնությունը կդառնան մեր ժողովուրդների միջև բարեկամության ամրապնդման, Գյումրու և Ռուսաստանի տարածաշրջանների համագործակցության գրավականը»,– ասաց նա:
Նա համոզմունք հայտնեց, որ Վարդան Ղուկասյանի փորձը, կառավարելու տաղանդը և կազմակերպչական ունակությունը թույլ կտան նոր ձեռքբերումների հասնել այս պատասխանատու պաշտոնում։
