ՌԴ-ը դիմել է ԱՄՆ-ին իր սառեցված ակտիվների մի մասով Boeing ինքնաթիռներ գնելու թույլտվության խնդրանքով. Bloomberg
Ռուսաստանը ԱՄՆ-ին է դիմել իր սառեցված պետական ակտիվների մի մասով Boeing ինքնաթիռներ գնելու թույլտվության խնդրանքով։ Այս մասին հայտնում է Bloomberg-ը՝ վկայակոչելով Մոսկվայում իր աղբյուրը, որը ցանկացել է անանուն մնալ։
Լրատվամիջոցի համաձայն` այս առաջարկը Ուկրաինայում հրադադարի կնքման պայմաններից չէ, Մոսկվան հասկանում է, որ առանց ռազմական գործողությունների դադարեցման անհնար է սառեցված ակտիվներն օգտագործել նման գործարքների համար։
Մեկնաբանելով Ռուսաստանի կողմից Boeing ինքնաթիռների հնարավոր գնման հարցը՝ ԱՄՆ Ազգային անվտանգության խորհրդի ներկայացուցիչ Բրայան Հյուզն ասել է. – «ԱՄՆ-ն չի քննարկի որևէ տնտեսական պարտավորություն, մինչև հրադադարի համաձայնագիր չկնքվի»։
ԱՄՆ Պետդեպարտամենտը հրաժարվել է մեկնաբանել տեղեկությունը։ Կրեմլի խոսնակ Դմիտրի Պեսկովը նույնպես ուղիղ չի պատասխանել այդ հարցին։
Boeing-ը հայտարարել է, որ չի մեկնաբանի Bloomberg-ի լուրը։
Ամերիկյան աղբյուրների համաձայն` ԱՄՆ -ում սառեցված են 5 միլիարդ դոլարի ռուսական ակտիվներ։
