«Թուրքիան օրական հազարավոր դրոններ է կարողանում արտադրել». Հունաստանի ՊՆ ղեկավար
Հունաստանի պաշտպանության նախարար Նիկոս Դենդիասն անդրադարձել է Եվրոպայի ռազմական ենթակառուցվածքներին՝ շեշտելով դրանց արդիականացման անհրաժեշտությունը: Այս մասին տեղեկացնում է ermenihaber.am-ը։
Դենդիասը նման անհրաժեշտության մասին խոսել է Բելգիայի Բրյուգգե քաղաքում «Եվրամիության հարավարևելյան սահմաններում Հունաստանի դերի և Եվրոպայի ռազմական թևի ամրապնդման խթանումը» թեմայով զեկույցի շրջանակներում:
Բացի այդ թուրքական մամուլում շրջանառվող որակումների համաձայն՝ նա ռազմարդյունաբերության զարգացվածության առումով մրցակցային համեմատություն է անցկացրել Ռուսաստանի, Իրանի և Թուրքիայի միջև՝ ընդգծելով, որ նրանք ամեն օր հազարավոր դրոններ են կարողանում արտադրել:
«Եվրոպան գիտություն ունի, սակայն կարողունակ չէ»,-հավելել է Դենդիասը:
