Լը Պենը հայտարարել է, որ պատրաստ է դիմել ՄԻԵԴ՝ Ֆրանսիայում իր դատավճռի հարցով
Ֆրանսիայի «Ազգային ճակատ» կուսակցության խորհրդարանական խմբակցության ղեկավար Մարին Լը Պենը, որը մեղավոր է ճանաչվել հափշտակության գործով և զրկվել է հաջորդ նախագահական ընտրություններում թեկնածությունն առաջադրելու հնարավորությունից, մտադիր է կայացված վճռի կապակցությամբ դիմել Մարդու իրավունքների եվրոպական դատարան (ՄԻԵԴ) և Ֆրանսիայի Սահմանադրական խորհուրդ։
Այս մասին նա ասել է Le Parisien թերթին տված հարցազրույցում:
«Ես կդիմեմ Մարդու իրավունքների եվրոպական դատարան և Ֆրանսիայի Սահմանադրական խորհուրդ: Ես կօգտվեմ իրավական պաշտպանության բոլոր հնարավոր միջոցներից: Ես հետ չեմ կանգնի», – հայտարարել է քաղաքական գործիչը:
Բացի հինգ տարով պետական պաշտոն զբաղեցնելու արգելքից, դատարանը Լը Պենին նաև դատապարտել է 4 տարվա ազատազրկման, որոնցից երկու տարին՝ պայմանական, իսկ երկուսը, հնարավոր է, տնային կալանքի տեսքով։
Քաղաքական գործիչը նաև տուգանվել է 100 000 եվրոյով։Լը Պենը և նրա «Ազգային ճակատ» կուսակցության 24 այլ պաշտոնյաներ մեղադրվում էին Եվրամիության խորհրդարանական օգնականների համար նախատեսված գումարները 2004-ից 2016 թվականներին կուսակցության աշխատակիցներին վճարելու մեջ՝ խախտելով 27 անդամ երկրներից կազմված միության կանոնակարգերը: Լը Պենը և նրա համախոհները հերքում են իրենց մեղադրանքները։
