ԱՄՆ-ի հետախուզությունը կարծում է, որ Հյուսիսային Կորեան պատրաստ է նոր միջուկային փորձարկման
ԱՄՆ-ի հետախուզական ծառայությունը կարծում է, որ Հյուսիսային Կորեան կարող է միջուկային նոր փորձարկում իրականացնել։ Ինչպես տեղեկացնում է «ՌԻԱ Նովոստի»-ն, այդ մասին նշված է գլոբալ սպառնալիքների վերաբերյալ ամերիկյան հետախուզության տարեկան զեկույցում:
«ԿԺԴՀ-ն պատրաստ է կարճաժամկետ հեռանկարում հերթական միջուկային փորձարկումն իրականացնել»,- նշված է փաստաթղթում։
Զեկույցի հեղինակներն ընդգծել են, որ Հյուսիսային Կորեայի առաջնորդ Կիմ Չեն Ինը ռազմավարական զենքի մշակումը, Ռուսաստանի հետ կապերի խորացումը և իր երկրի տնտեսության կայունությունը համարում է գործոններ, որոնք ամրապնդում են իր բանակցային դիրքերը և նվազեցնում պատժամիջոցների վերացման անհրաժեշտությունը։
