Իսրայելը որսացել է Լիբանանից թռչող երեք հրթիռ
Իսրայելական ավիացիան որսացել է երեք հրթիռ, որոնք թռչում էին Լիբանանից։ Ինչպես տեղեկացնում է «ՌԻԱ Նովոստի»-ն, այս մասին հայտնել է Իսրայելի պաշտպանության բանակը։
Օդային ռմբակոծության վերաբերյալ տագնապի ազդանշանները հնչել են մասնավորապես Մետուլա քաղաքում՝ Լիբանանի հետ սահմանի մոտ:
«Մետուլայում տագնապի ազդանշանները հնչելուց հետո Իսրայելի ռազմաօդային ուժերը որսացել են երեք հրթիռ, որոնք Իսրայելի տարածք են ուղարկվել Լիբանանից»,- ասված է Իսրայելի պաշտպանության բանակի հայտարարության մեջ:
Իսրայելն ու Լիբանանը մարտի 11-ին անուղղակի բանակցություններ են սկսել ԱՄՆ-ի և Ֆրանսիայի միջնորդությամբ՝ 2024 թվականի նոյեմբերին ստորագրված հրադադարի համաձայնագրի իրականացման շրջանակներում տարածքային վեճերը լուծելու համար։
Լիբանանի նախագահ Ժոզեֆ Աունի վարչակազմի աղբյուրը լիբանանյան «Ալ-Մայադին» հեռուստաալիքին հայտնել է, որ բանակցությունները կապ չունեն հարաբերությունների կարգավորման հետ, այլ նպատակ ունեն լուծել տարածքային խնդիրները և Իսրայելի բանտերից ազատել Լիբանանի քաղաքացիներին:
