Սոմալիում զինյալները հարձակվել են հյուրանոցի վրա. կան զոհեր
Սոմալիի կենտրոնական Բալադվեյնե քաղաքում զինյալները հարձակում են գործել հյուրանոցի վրա։ Առնվազն 4 մարդ սպանվել է, սակայն հարձակումը դեռ շարունակվում է։ Այս մասին հաղորդում է Reuters գործակալությունը։
Բալադվեյնեի դաշնային օրենսդիր Դահիր Ամին Ջեսոուն հայտնել է, որ զոհերի թիվը դեռ շարունակում է աճել։
Հարձակման թիրախ է դարձել «Քահիրա» հյուրանոցը, սակայն առայժմ պարզ չէ, թե որ խմբավորումն է այն իրականացնում։ Reuters-ը հիշեցնում է, որ Սոմալիում ռմբակոծությունների և հրազենով հարձակումների հետևում հաճախ կանգնած է լինում իսլամիստական «ալ-Շաբաբ» խմբավորումը։
