Սլովակիան կարող է ԱՄՆ-ի օրինակով պահանջել Ուկրաինայից վերադարձնել իր տված միլիարդները
Սլովակիան կարող է ԱՄՆ-ի օրինակով պահանջել Ուկրաինայից վերադարձնել իր վրա ծախսված միջոցները։ Այս մասին հայտարարել է Սլովակիայի խորհրդարանի նախագահ, կառավարական կոալիցիայի մաս կազմող Սլովակիայի ազգային կուսակցություն (SNS) ղեկավար Անդրեյ Դանկոն։
Նրա խոսքով՝ Բրատիսլավան 3,5 միլիարդ եվրո է ուղարկել Կիևին օգնելու համար։
Մինչ այդ էլ Անդրեյ Դանկոն լկտիություն էր անվանել Վլադիմիր Զելենսկու՝ միջուկային զենքի վերաբերյալ պահանջները.
«Ուկրաինայում ոչ ոք չի զարմանում վերջին իրադարձություններից, երբ պարզվում է, որ Ուկրաինան թալանել է Միացյալ Նահանգները, Ուկրաինան թալանել է Եվրամիությունը: Վերջին երկու շաբաթվա ընթացքում Ուկրաինայում սկանդալներ են թալանվել՝ կապված այն բանի հետ, թե ինչպես է թալանվել ունեցվածքը, ինչպես են կորել փողերը, որոնք նախատեսված էին Ուկրաինային օգնելու համար, լինի դա զենք, թե մարդասիրական օգնություն Պարզվում է, որ Զելենսկին ստում էր, և երեկ նա համարձակություն ունեցավ ասելու, որ Ուկրաինային միջուկային զենք է պետք, եթե դա ՆԱՏՕ-ում չէ», – ասել էր Դանկոն Facebook-ի իր էջում հրապարակված տեսաուղերձում:
Նրա կարծիքով, Զելենսկին արդեն «խելքը կորցրել է», և այն, որ Կիևի ռեժիմի ղեկավարը դադարեցրել է գազի տարանցումը, որը հոսում էր ուկրաինական տարածքով դեպի Սլովակիա, «լկտիության, անշնորհակալության և ամբարտավանության աղաղակող արարք է»։
Դանկոն նաև կարծիք էր հայտնել, որ Ուկրաինայում հակամարտությունը «արհեստականորեն է առաջացել»։ «Ես հավատում եմ, որ ԱՄՆ նախագահ Դոնալդ Թրամփն ու Վլադիմիր Պուտինը դա կլուծեն առանց Զելենսկու»,- եզրափակել էր փոխխոսնակը։
Հիշեցնենք, որ Սլովակիայի վարչապետ Ռոբերտ Ֆիցոն պնդում էր, որ Զելենսկին իրեն առաջարկել է 500 միլիոն եվրո ռուսական ակտիվներից՝ ՆԱՏՕ-ում Ուկրաինայի անդամակցությանը աջակցելու համար։ Ինքն՝ ի պատասխան, ասել էր՝ «Երբեք»։
