«Տրված է ընտրական գործընթացի ռեպրեսիաների մեկնարկը»․ Սուրեն Սուրենյանց
Սուրեն Սուրենյանցը ֆեյսբուքյան իր էջում գրում է․
«Գյումրիի նախկին քաղաքապետ, այժմ քաղաքապետի պաշտոնին հավակնող Վարդան Ղուկասյանը և նրա թիկնապահն այսօր ձերբակալվել էին ապօրինի զենք-զինամթերք պահելու և կրելու կասկածանքով:
Ավելի ուշ պարզ դարձավ, որ ոստիկանության կասկածանքները հիմնավոր չեն եղել և Ղուկասյանն ու նրա թիկնապահն ազատ են արձակվել:
Անկասկած է, որ իշխանության առաջին դեմքի մակարդակով տրված է ընտրական գործընթացի ռեպրեսիաների մեկնարկը՝ նպատակ ունենալով կաշկանդել ընդդիմադիր թեկնածուներին և վախեցնել հասարակությանը:
«Դեմոկրատական այլընտրանք» կուսակցության անունից իշխանությանը զգուշացնում եմ՝ ձեռնպահ մնալ ռեպրեսիվ քայլերից, ընտրական գործընթացի նկատմամբ ապօրինի միջամտության գռեհիկ դրսևորումներից:
Ամենևին կարևոր չէ՝ ինչպիսի վերաբերմունք ունեմ Վարդան Ղուկասյանի կամ ընդդիմադիր այլ թեկնածուների հանդեպ. նրանցից յուրաքանչյուրի նկատմամբ իշխանության բեսպրեդելը համարելու եմ ապօրինություն իմ և մեր թիմի նկատմամբ»:
