Էր Ռիադում մեկնարկել են ռուս-ամերիկյան բանակցությունները
Էր Ռիադում մեկնարկել են ռուս-ամերիկյան բարձր մակարդակի բանակցություններ։ «Արմենպրես»-ի փոխանցմամբ՝ այս մասին Սաուդյան Արաբիայից հայտնում է ՏԱՍՍ-ի թղթակիցը։
Ռուսաստանի Դաշնությունից բանակցությունների սեղանի շուրջ նստած են արտգործնախարար Սերգեյ Լավրովը և նախագահի օգնական Յուրի Ուշակովը։
Նրանց դիմաց են երեք ամերիկացի բանակցողներ՝ Սպիտակ տան ազգային անվտանգության հարցերով խորհրդական Մայք Ուոլցը, պետքարտուղար Մարկո Ռուբիոն և Մերձավոր Արևելքի հարցերով ԱՄՆ նախագահի հատուկ պատվիրակ Սթիվեն Ուիթքոֆը։
Բանակցություններին ներկա են նաև Սաուդյան Արաբիայի ներկայացուցիչները։ Ուկրաինական կողմը բանակցություններին չի մասնակցում։
