Կարտոֆիլով բրիտանական թխվածքաճաշ
Բաղադրիչները՝ 4 բաժնի համար
- 500 գ կարտոֆիլ
- 2 գլուխ սոխ
- 150 գ չեդեր կամ այլ պանիր
- 250 գ կարագ
- աղ, աղացած սև պղպեղ՝ ըստ ճաշակի
- մի քանի ճյուղ կանաչի
Պատրաստման եղանակը
Կարտոֆիլը օղակաձև կտրատեք: Սոխը օղակաձև կտրատեք ու չորս մասի բաժանեք: Պանիրը խոշոր քերիչով քերեք:
Ջերմադիմացկուն թավայի մեջ միջին ուժգնության կրակի վրա 60 գ կարագ տաքացրեք: Սոխը տապակեք մինչև փափկելը, բայց մի կարմրեցրեք: Լցրեք ափսեի մեջ:
Թավայի մեջ էլի 80-100 գ կարագ ավելացրեք, հալեցրեք: Թավան հանեք կրակից: Թավայի մեջ կարտոֆիլի մի շերտ շարեք: Աղ ու պղպեղ արեք: Կարտոֆիլների վրա լցրեք սոխի մի մասը, վրան՝ քերած պանրի մի մասը:
Շերտերը կրկնեք այնպես, որ վերին շերտը կարտոֆիլը լինի: Կարտոֆիլի վրա կարագի կտորներ դրեք:
Թավան 20-25 րոպեով տեղադրեք 200 աստիճան տաքության ջեռոցում մինչև կարտոֆիլի փափկելը:
Պատրաստի թխվածքաճաշը տեղադրեք ափսեի մեջ ու վրան կտրտած կանաչի լցրեք:
