Հրդեհ Վանաձորի գործարաններից մեկում
Լոռու մարզային փրկարարական վարչության ճգնաժամային կառավարման կենտրոն դեկտեմբերի 22-ին, ժամը 23։00-ին ահազանգ է ստացվել, որ Վանաձոր քաղաքի գործարաններից մեկում հրդեհ է բռնկվել։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից չորս մարտական հաշվարկ։
Ինչպես տեղեկանում ենք ՆԳՆ Փրկարար ծառայությունից, պարզվել է, որ հրդեհը բռնկվել է Գործարանային փողոցում գտնվող երկհարկանի քարե շինության (մոտ 100 քմ) երկրորդ հարկում։Հրդեհը մեկուսացվել է ժամը 23։40-ին, մարվել՝ դեկտեմբերի 23-ին, ժամը 01։02-ին։
Այրվել են շինության տանիքը և երկրորդ հարկը՝ գույքով։
