«Volkswagen Golf»-ում, պայթյուն է տեղի ունեցել․ կա վիրավոր
Դեկտեմբերի 18-ին, պայթյուն է տեղի ունեցել Արմավիրի մարզում։ Ժամը 22։10-ի սահմաններում ՀՀ Ներքին գործերի նախարարության ոստիկանության Պարեկային ծառայության Արմավիրի մարզի գումարտակում և ՀՀ ՆԳՆ ոստիկանության համայնքային ոստիկանության գլխավոր վարչության Վաղարշապատի բաժնում օպերատիվ տեղեկություններ են ստացվել, որ Հայթաղ գյուղի Մենուայի փողոցում ավտոմեքենայում պայթյուն է տեղի ունեցել և կա տուժած։
Shamshyan.com-ի տեղեկություններով, պարզվել է, որ դեռևս անհայտ հանգամանքներում պայթյուն է տեղի ունեցել «Volkswagen Golf» մակնիշի ավտոմեքենայում, ինչի հետևանքով այն դարձել է ոչ շահագործելի, իսկ պայթյունի հետևանքով 1 հոգու նախ տեղափոխել են «Արմավիր» բժշկական կենտրոն, ապա՝ Երևանի հիվանդանոցներից մեկը։
Դեպքի փաստով Վաղարշապատի քննչական բաժնում նախաձեռնվել է քրեական վարույթ։
