ԱՄՆ գանձապետարանը հավանություն է տվել «Գազպրոմբանկի» հետ միջուկային էներգիայի գործարքներին
ԱՄՆ-ի ֆինանսների նախարարությունը թույլատրել է «Գազպրոմբանկի» հետ միջուկային էներգիայի գործարքները մինչև 2025 թվականի հունիսի 30-ը՝ բացառելով «Պակշ-2» ատոմակայանը ընդհանուր լիցենզիայից։ Այդ մասին տեղեկացնում է «ՌԻԱ Նովոստի»-ն։
Հրապարակված փաստաթուղթը նախատեսում է բացառապես քաղաքացիական ատոմային էներգիայի հետ կապված գործարքների թույլտվություն։ Միաժամանակ փաստաթղթում նշվում է, որ արգելված է «Պակշ-2» ատոմակայանի հետ կապված որևէ գործարք։
