Բրազիլիան տարհանել է դեսպանատունը Դամասկոսում
Բրազիլիայի իշխանությունները հայտարարել են Սիրիայի մայրաքաղաք Դամասկոսից երկրի դեսպանատան տարհանման մասին:
Ինչպես հաղորդում է «ՌԻԱ Նովոստի»-ին, այս մասին գրում է UOL պորտալը։
«Պլանալտո» կառավարական պալատը կարգադրել է Դամասկոսում երկրի դեսպանատունը տարհանել»,- հայտնում է պորտալը։
Պորտալի տվյալներով՝ տարհանման շրջանակում, որին մասնակցելու է ՄԱԿ-ը, դեսպանատան աշխատակիցները կուղարկվեն Լիբանան։ Նշվում է, որ ամենայն հավանականությամբ դեսպանատանը կմնա մեկ տեղական պաշտոնյա։
Բրազիլական G1-ը ևս գրում է, որ Դամասկոսում Բրազիլիայի դեսպանատունը տեխնիկապես բաց կմնա:
