Բանակում կրկին զինծառայող է մահացել. զորամասում հայտնաբերվել է նրա դին
«Հրապարակ»-ի տեղեկություններով՝ այսօր՝ օգոստոսի 24-ին, Սիսիանի զորամասերից մեկում հերթական ողբերգական դեպքն է արձանագրվել։ Կայքի տեղեկություններով՝ զորամասում հայտնաբերվել է պայմանագրային զինծառայողի դին։
Նախնական վարկածով՝ զինծառայողը ինքնասպանություն է գործել։ Դեպքի հանգամանքները, սակայն, դեռևս հայտնի չեն։
Պաշտոնական տեղեկություն այս պահին դեպքի վերաբերյալ դեռևս չի հրապարակվել։
Քննչական համակարգից աղբյուրը հաստատել է զինծառայողի մահվան փաստը:
«Զանգեցինք ՊՆ խոսնակ Արամ Թորոսյանին։ Նա մեր զանգերին չպատասխանեց, թերևս զբաղված էր նախարարի ճեպազրույցի կանոնները սահմանելով, թե լրագրողները քանի հարց պիտի տան և ժամացույցի սլաքի ինչ ուղղությամբ»,– գրել է կայքը։
168.am-ի հետ զրույցում ՊՆ խոսնակ Արամ Թորոսյանը հաստատել է ինքնասպանության դեպքը, և ասել, որ նախնական տվյալներով 37-ամյա ծառայողը մահացել է ծառայության հետ առնչություն չունեցող պատճառներով:
Դեպքի առնչությամբ նախաձեռնվել է քրեական վարույթ:
