Մուհամեդ Սալահը Պրեմիեր լիգայի նոր ռեկորդ է սահմանել
Անգլիական «Լիվերպուլ»-ի եգիպտացի հարձակվող Մոհամեդ Սալահը Պրեմիեր լիգայի նոր ռեկորդ է սահմանել: Այս մասին գրում է «Squawka»-ն:
Սալահը գոլի և գոլային փոխանցման հեղինակ է դարձել Անգլիայի Պրեմիեր լիգայի ավելի շատ խաղերում, քան մրցաշարի պատմության ցանկացած մեկ այլ ֆուտբոլիստ:
Սալահն արդեն 37 հանդիպում է անցկացրել, որոնցում կատարել է երկու և ավելի արդյունավետ գործողություն` նվազագույնը մեկ գոլ և մեկ գոլային փոխանցում:
Ավելի վաղ այդ ցուցանիշով ռեկորդը պատկանում էր «Էվերթոն»-ի և «Մանչեսթեր Յունայթեդ»-ի նախկին հարձակվող Ուեյն Ռունիին:
