Ամիրյան փողոցում երթևեկությունը կփոխվի

Մայրաքաղաքում տրանսպորտային հոսքեր ավելացնելու նպատակով՝ Ամիրյան փողոցում դեկտեմբերի 6-ից երթևեկության կազմակերպման փոփոխություն կկատարվի։

Այս մասին հայտնում են Երևանի քաղաքապետարանից՝ մանրամասնելով, որ Ամիրյան-Կողբացու փողոցների խաչմերուկից դեպի Ամիրյան փողոց-Մաշտոցի պողոտա ուղղությամբ  երթևեկելի մասի աջ կողմում կարգելվի մեքենաների կանգառը։

Միաժամանակ, նշված ճանապարհահատվածում կիրականացվենհամապատասխան գծանշման և ճանապարհային նշանների տեղադրման աշխատանքներ: