Աշխատում ենք նախորդ մրցաշրջանի մակարդակին վերադառնալու համար. Մխիթարյան
Հենրիխ Մխիթարյանն ասել է, որ «Ինտերը» փորձում է վերադառնալ նախորդ մրցաշրջանի մակարդակին.
«Մեզ համեմատում են անցյալ տարվա «Ինտերի» հետ, բայց մենք փորձում ենք մեր լավագույնը և տալիս ենք ամեն ինչ։ Գիտենք, որ շատ բան ենք բաց թողնում և գոլային պահերը լավագույնս չենք իրացնում, բայց աշխատում ենք նախորդ մրցաշրջանի մակարդակին վերադառնալու համար։ Շատ ակումբներ ցանկանում են նվաճել Սկուդետտոն, այդ թվում՝ մենք։
Մենք միավորներ կորցրինք հանդիպումներում, որոնք չպետք է կորցնեինք, այլապես արդեն կգլխավորեինք աղյուսակը։ Մենք գիտենք, որ այս մրցաշրջանը այլ կերպ է ձևավորվում, և մենք պետք է կատարելագործվենք»,- ասել է «Ինտերի» կիսապաշտպանը Corriere della Sera-ին տված հարցազրույցում:
12 տուրից հետո «ներաձուրիները» Ա Սերիայում զբաղեցնում են 4-րդ տեղը։
