Գազայում հայտնել են Իսրայելի հարվածներից մեկ օրում շուրջ 50 զոհի մասին
Գազայի հատվածում վերջին մեկ օրվա ընթացքում առնվազն 49 պաղեստինցի է զոհվել Իսրայելի բանակի հարվածների հետևանքով։ Այդ մասին հայտնում է Al Jazeera-ն։
Ըստ լրատվամիջոցի՝ առաջիկա ժամերի ընթացքում Սաուդյան Արաբիայում անցկացվող Արաբական իսլամական գագաթնաժողովի ընթացքում մի շարք երկրների ղեկավարներ կքննարկեն Իսրայելի ռազմական գործողությունները Գազայում և հարձակումները Լիբանանի վրա։
Ավելի վաղ պաղեստինյան անկլավի առողջապահության նախարարությունը հայտնել էր, որ 2023 թվականի հոկտեմբերից ի վեր Իսրայելի հարվածներից Գազայի հատվածում զոհերի ընդհանուր թիվը գերազանցել է 43 600-ը, վիրավորվել է գրեթե 103 000 մարդ։
Իսրայելը Գազայի հատվածում գործողություններ է սկսել՝ ի պատասխան պաղեստինյան ՀԱՄԱՍ արմատական շարժման հարձակման, որի հետևանքով Իսրայելում 1200 մարդ էր զոհվել, շուրջ 250 մարդ՝ գերեվարվել։ Դեռ շուրջ 100 պատանդ գտնվում է ՀԱՄԱՍ-ի մոտ:
