Երևան-Երասխ ավտոճանապարհին՝ Ոսկետափ գյուղի վարչական տարածքում, բախվել է երկու մեքենա, կա տուժած
Shamshyan.com-ի հաղորդմամբ՝ այսօր՝ նոյեմբերի 4-ին, խոշոր ավտովթար է տեղի ունեցել Արարատի մարզում: Ժամը 15:40-ի սահմաններում Երևան-Երասխ ավտոճանապարհի Մ2 41 կմ հատվածում՝ Ոսկետափ գյուղի վարչական տարածքում, բախվել են Սյունիքի մարզի բնակիչ 49-ամյա Մայիս Կարապետյանի վարած «Toyota Land Cruiser» մակնիշի և Արարատի մարզի բնակիչ 60-ամյա Նորիկ Սաֆարյանի վարած մարդատար «Գազել» մակնիշի ավտոմեքենաները:
Բախման հետևանքով «Գազել»-ը կողաշրջվել է և մասամբ փակել ճանապարհի երթևեկելի գոտին: Վթարի հետևանքով 1 անձ տեղափոխվել է Վեդու բժշկական կենտրոն:
