Արմավիրի Վարդանաշեն գյուղում բախվել է 2 «Mercedes», մեկը հայտնվել է բնակչի հողամասում
Այսօր՝ նոյեմբերի 4-ին, խոշոր ավտովթար է տեղի ունեցել Արմավիրի մարզում: Ժամը 13:00-ի սահմաններում Վանաձոր-Մարգարա ավտոճանապարհի Վարդանաշեն գյուղի վարչական տարածքում բախվել է 2 «Mercedes»:
Ինչպես հայտնում է Shamshyan.com-ը, վթարի հետևանքով 2 հոգի մարմնական վնասվածքներով տեղափոխվել են մեկը՝ «Վաղարշապատ» բժշկական կենտրոն, մյուսը՝ Երևանի հիվանդանոցներից մեկը: Բախման հետևանքով «Mercedes»-ներից մեկը դուրս է եկել ճանապարհի երթևեկելի գոտուց և գլխիվայր հայտնվել բնակչի հողամասում:
