«Շնորհակալ ենք Քեզ, Արթուր Ալեքսանյան». Էդուարդ Շարմազանով
Էդուարդ Շարմազանովը ֆեյսբուքյան իր էջում գրում է. «Շնորհակալ ենք Քեզ, Արթուր Ալեքսանյան։
Արթուր Ալեքսանյանը ըմբշամարտի կենդանի լեգենդ է։
Կյանքն ու մասնավորապես սպորտը բաղկացած է հաջողությունից ու ձախողումից,հաղթանակից ու պարտությունից։
Ողջ հայությունը Փարիզ 2024-ից նախ եւ առաջ սպասում էր Արթուր Ալեքսանյանի օլիմպիական ոսկին։
Բայց այս անգամ ճակատագիրը ժպտաց հակառակորդին։
Արթուրն իրական լեգենդ է։
Նա եզակի մարզիկներից է, ով 4 օլիմպիադաներում /Լոնդոն -2012, Ռիո-2016, Տոկիո-2020, Փարիզ-2024/ եղել է ուժեղագույնների շարքում։
Արթուրը 4 օլիմպիական շրջան ֆավորիտ է։
Նույնիսկ երեկվա մենամարտից հետո նա մնում է ֆավորիտ։
Նա նորագույն շրջանի հայ մեծագույն սպորտսպենն է։
Նա ասելիք ու անելիք հաստատ ունի։
Նա դեռ մեզ ուրախացնելու է։
Արթուրը ոչ միայն հզոր մարզիկ է։
Բոլորս ենք հիշում Ռիո 2016 -ը, երբ Արթուրը պարգեւատրման արարողություն դուրս եկավ Արցախի հերոս Ռոբերտ Աբաջյանի պատկերված համազգեստով։
Արթուրը հաղթանակի սիմվոլ է:
Շնորհակալ ենք Քեզ, Արթուր Ալեքսանյան»։
