ՌԴ Վոլգոգրադի մարզում Սու-34 ինքնաթիռ է կործանվել
Ռուսաստանի Դաշնության Վոլգոգրադի մարզում պլանային ուսումնական թռիչք կատարելու ժամանակ Սու-34 կործանիչը վթարի է ենթարկվել։
Կործանիչի անկման մասին հայտնել է ՌԴ պաշտպանության նախարարությունը։
«Վոլգոգրադի մարզում պլանային ուսումնական թռիչքի ժամանակ կործանվել է ռուսական օդատիեզերական ուժերի Սու-34 ինքնաթիռը, օդաչուների կյանքին վտանգ չի սպառնում, թռիչքն իրականացվել է առանց ռազմամթերքի», – մանրամասնել է ՌԴ ՊՆ-ն՝ հավելելով, որ ինքնաթիռի կործանման հետևանքով գետնի վրա ավերածություններ չկան։Նախարարությունը պարզաբանել է, որ ինքնաթիռի կործանման նախնական պատճառը եղել է տեխնիկական անսարքությունը։
Տեղում աշխատում է Ռուսաստանի օդատիեզերական ուժերի հանձնաժողովը։
