Վրաստանում հարցվածների 29 տոկոսի եկամուտը 550 լարիից պակաս է

Վրաստանում հարցվածների մեծ մասի՝ 29 տոկոսի ամսական եկամուտը 550 լարիից էլ ցածր է։ Այդ մասին է վկայում Հետազոտական ​​ռեսուրսների կովկասյան կենտրոնի (CRRC-Վրաստան) հրապարակած «Կովկասյան բարոմետրի» 2024 թվականի հետազոտությունը: Այս մասին գրում է aliq.ge-ն։

Ըստ նույն տվյալների՝ 12 տոկոսն ունի ամսական 550-900 լարի, 11 տոկոսնն ընդհանրապես եկամուտ չունի, 9 տոկոսը՝ 901 լարիից մինչև 1300 լարի, 8 տոկոսը՝ 1301 լարիից մինչև 2 հազար լարիի եկամուտ ունի:

Հարցվածների միայն 6 տոկոսն ունի 2000 լարիից ավելի եկամուտ։ Հարցվածների 17 տոկոսը հրաժարվել է պատասխանել։

Հարցումն անցկացվել է դեմ առ դեմ հարցազրույցների միջոցով 2024 թվականի ապրիլի 16-ից մայիսի 13-ը` Վրաստանի ողջ տարածքում, բացառությամբ Աբխազիայի և Հարավային Օսիայի ինքնահռչակ հանրապետությունների։

Հարցվել է, ընդհանուր առմամբ, 1509 քաղաքացի, հետազոտությունն իրականացվել է վրացերեն, հայերեն և ադրբեջաներեն։