Ալիևը Լոնդոնում է, կմասնակցի Եվրոպական քաղաքական համայնքի գագաթնաժողովին
![](https://168.am/wp-content/uploads/2024/04/Aliev.jpg)
Ադրբեջանի նախագահ Իլհամ Ալիևն աշխատանքային այցով գտնվում է Մեծ Բրիտանիայում, հաղորդում է ադրբեջանական ԱՊԱ լրատվական գործակալությունը՝ վկայակոչելով Լոնդոնում գտնվող իր թղթակցին։
Ալիևը Լոնդոնում կմասնակցի Եվրոպական քաղաքական համայնքի չորրորդ գագաթնաժողովին։
Լոնդոնում է նաև Հայաստանի վարչապետ Նիկոլ Փաշինյանը։ Կառավարության պաշտոնական հաղորդագրության համաձայն՝ այցի ընթացքում նախատեսված են երկկողմ հանդիպումներ մի շարք միջազգային գործընկերների հետ: Թե ինչ հանդիպումների մասին է խոսքը, կառավարությունը չի հստակեցնում։
Ադրբեջանական «Թուրան» լրատվական գործակալությունը երեկ փոխանցեց, որ ոչ պաշտոնական տվյալներով՝ գագաթնաժողովի շրջանակներում տեղի կունենա Ադրբեջանի և Հայաստանի բարձրաստիճան ներկայացուցիչների հանդիպում։
Ո՛չ պաշտոնական Երևանը, ո՛չ պաշտոնական Ադրբեջանը դեռ չեն հաստատել տեղեկությունը։