Բայդենը վարակվել է կորոնավիրուսով
ԱՄՆ նախագահ Ջո Բայդենը վարակվել է կորոնավիրուսով, ունի թույլ արտահայտված ախտանշաններ։ Այս մասին հայտնել է Սպիտակ տան մամուլի խոսնակ Կարին Ժան Պիերը:
«Այսօր ավելի վաղ՝ Լաս Վեգասում իր առաջին միջոցառումից հետո, նախագահ Բայդենը COVID-19-ի թեստ է հանձնել և այն դրական է եղել: Նա մի քանի անգամ պատվաստվել է վարակի դեմ, ուստի մեղմ ախտանշաններ ունի», – ասել է Ժան-Պիերը:
Սպիտակ տան մամուլի քարտուղարը նշել է, որ նախագահը մի քանի օրով կվերադառնա Դելավերի նահանգ՝ իր առանձնատուն, որտեղ կինքնամեկուսացվի, սակայն, կշարունակի աշխատել:
Հիվանդության պատճառով Սպիտակ տան ղեկավարը ստիպված է եղել չեղարկել իր ելույթը Լաս Վեգասում UNIDOSUS համաժողովում, որը նվիրված էր Լատինական Ամերիկայի երկրների հետ ԱՄՆ համագործակցությանը։
