Շվեյցարիան և ՆԱՏՕ-ն համաձայնագիր են ստորագրել Ժնևում դաշինքի գրասենյակ բացելու մասին
![](https://168.am/wp-content/uploads/2024/07/MixCollage-15-Jul-2024-09-56-PM-5770.jpg)
ՆԱՏՕ-ն գրասենյակ կբացի Ժնևում քաղաքում տեղակայված միջազգային և ոչ կառավարական կազմակերպությունների հետ կապերը զարգացնելու համար: Համապատասխան համաձայնագիրը ստորագրել են կողմերի ներկայացուցիչները։
Ինչպես հաղորդում է «ՏԱՍՍ»-ը, այս մասին հայտնել է Շվեյցարիայի Դաշնային խորհուրդը (կառավարությունը)։
«ՆԱՏՕ-ն գրասենյակ է բացում Ժնևում այնտեղ տեղակայված միջազգային և ոչ կառավարական կազմակերպություններին ներկայացուցչություն ունենալու համար»,-ասվում է հայտարարության մեջ։
«Գրասենյակի իրավական կարգավիճակի մասին հուլիսի 15-ին Բեռնում համաձայնագիր են ստորագրել Շվեյցարիայի արտաքին գործերի նախարարության միջազգային իրավունքի տնօրինության ղեկավար Ֆրանց Պերեն և ՆԱՏՕ-ի իրավական հարցերով բյուրոյի տնօրեն Ջոն Սուորդսը»,-նշել է կառավարությունը։
ՆԱՏՕ-ն նաև բաժանմունք կբացի Ժնևում միջազգային և ոչ կառավարական կազմակերպությունների հետ աշխատելու համար։ «ՆԱՏՕ-ն Ժնևում բացում է բազմակողմ կապի գրասենյակ՝ այնտեղ տեղակայված միջազգային և ոչ կառավարական կազմակերպությունների հետ համագործակցելու համար»,- ասվում է համաձայնագրում։