Եվրո-2024. Անգլիան կիսաեզրակիչում է
Ֆուտբոլի Եվրոպայի առաջնության քառորդ եզրափակիչի շրջանակներում Անգլիան մրցեց Շվեյցարիայի հետ:
Դյուսելդորֆում կայացած խաղի մեկնարկային րոպեներին երկու հավաքականներն էլ դիրքային գրոհներ էին կազմակերպում, որոնք բավականին սուր զարգացում էին ունենում: Առաջին կեսում թիմերին չհաջողվեց գրավել մեկմեկու դարպասը և հավաքականներն ընդմիջման գնացին զրոյական ոչ-ոքի հաշվով:
Երկրորդ կեսում անգլիացիներն առավել շատ էին տիրում գնդակին: Սակայն Շվեյցարիան կարողացավ հաշվի մեջ առաջ անցնել 75-րդ րոպեին: Գոլն իր ակտիվում գրանցեց Էմբոլոն: 5 րոպե անց Անգլիան վերականգնեց հաշվի հավասարությունը: Հեռահար դիպուկ հարվածով աչքի ընկավ Սական: Հանդիպման հիմնական ժամանակն ավարտվեց ոչ-ոքի` 1:1հաշվով: Լրացուցիչ ժամանակում ևս դարպասի գրավում չարձանագրվեց և հետխաղյա 11 մետրանոց հարվածաշարում առավել դիպուկ էին անգլիացիները:
Անգլիա-Շվեյցարիա` 1:1 (5:3):
Կիսաեզրափակիչում Անգլիան կմրցի Նիդերլանդներ-Թուրքիա զույգի հաղթողի հետ:
