Թուրքիայում կսկսի գործել աղետներից պարտադիր ապահովագրություն
Թուրքիայի Գանձապետարանի և ֆինանսների նախարար Մեհմեդ Շիմշեքը հայտարարել է, որ աղետների հետևանքով առաջացած պարտադիր ապահովագրությունը (ZAS) կիրականացվի մինչև հունիսի վերջ։ Նախարար Շիմշեքը մեկնաբանել է երկրաշարժից պարտադիր ապահովագրությունը և նորարարությունները։ Այս մասին տեղեկացնում է ermenihaber.am-ը։
Հիշեցնելով, որ երկրաշարժից պարտադիր ապահովագրությունը մտցվել է 1999թ․ օգոստոսի 17-ի Գյոլչուկի երկրաշարժից հետո՝ Շիմշեքը հայտարարել է, որ երկրաշարժից պարտադիր ապահովագրությունը սահմանվել է քաղաքացիական բնակավայրերը ապահովագրական ծածկույթում ներառելու համար։
Շիմշեքը մատնանշել է, որ ապահովագրության այս մոդելն իր վերջնական տեսքը ստացել է 2012-ին «Բնական աղետների ապահովագրության մասին» օրենքով ու հավելել.
«Բացի երկրաշարժերից, ապահովագրական ծածկույթում կընդգրկվեն նաև այլ բնական աղետներ»։
