Զինկոմիսարիատ չներկայացած ուկրաինացիներին կարող են զրկել իրավունքներից
Ծանուցագրով զինկոմիսարիատ չներկայացած ուկրաինացիները կարող են զրկվել իրավունքներից։ Այս մասին հայտարարել է երկրի պաշտպանության նախարարությունը:
Նշվում է, որ որոշ դեպքերում կարող են արգելափակել նրանց բանկային հաշիվները: Տեղական ԶԼՄ-ների հաղորդմամբ՝ դիտարկվում է նաև դատարանի որոշմամբ սահմանափակումներ կիրառել՝ արգելելով նրանց դուրս գալ երկրի սահմաններից։
Ծանուցագրով չներկայացած զորակոչիկը պետք է երեք օրվա ընթացքում զինկոմիսարիատին տեղեկացնի չներկայանալու պատճառների մասին և առաջիկա յոթ օրվա ընթացքում ներկայանա։
