Իրանի նախագահ. Արաքս գետը կապող օղակ է այս գետի սահմանակից երկրների միջև
ԻԻՀ նախագահը Արաքս գետը համարել է այս սահմանամերձ գետի սահմանակից երկրների կապող օղակը և ասել, որ Իրանի հարաբերությունները Ադրբեջանի հետ, ըստ Իսլամական հեղափոխության գերագույն առաջնորդի, դուրս են բարիդրացիական հարաբերություններից և այս հարաբերությունները ոչ մի դեպքում չեն խզվի:
ԻԻՀ նախագահ Սեյեդ Էբրահիմ Ռայիսին «Արաքս» գետի վրա «Գիզ-Գալասի» համատեղ ամբարտակի շահագործման արարողության ժամանակ հավելել է, որ Իրանը պատրաստ է տեխնիկական և ինժեներական ծառայություններ արտահանել Ադրբեջան և այլ սահմանակից երկրներ:
Ռայիսին Գիզ-Գալասի ամբարտակի բացումը համարել է Իրանի և Ադրբեջանի երկու ժողովուրդների կամքի և համագործակցության խորհրդանիշ և ասել է, որ Արաքս գետը միշտ եղել է կապող օղակ երկու երկրների միջև։
Իրանի Իսլամական Հանրապետության նախագահը հայտարարել է, որ Իրանի և Ադրբեջանի կապը համագործակցության տեսքով Խոդաաֆարին ամբարտակի հսկայական նախագծում, որը համարվում է և՛ տարածաշրջանի զարգացման, և՛ երկու ժողովուրդների կամքն ու համագործակցության խորհրդանիշը, շատ կարևոր է և հույս է ներշնչում Իրանին ու Ադրբեջանին, իսկ մյուս կողմից՝ երկու ժողովուրդների թշնամիների հուսահատության պատգամն է։
Գիզ-Գալասի ամբարտակի բացման արարողության ժամանակ Ադրբեջանի նախագահ Իլհամ Ալիևը նույնպես ասել է. «Օտարերկրացիները չեն կարող պառակտել Իրան-Ադրբեջան հարաբերությունները»։
Ալիևն ընդգծել է. «Գիզ-Գալասի ամբարտակի նման կարևոր նախագծերի կառուցման համար օգտագործվել են իրանցի ինժեներների և մասնագետների մեծ կարողությունները, քանի որ նման նախագծերի իրականացումը մեծ փորձ է պահանջում»։
Ադրբեջանի նախագահը Իրանի նախագահին հրավիրել է մասնակցելու նոյեմբերին Բաքվում կայանալիք համաժողովին։
