Իսրայելը Գազայի հատվածում հրադադարի «չափազանց շռայլ» առաջարկ է արել. Բլինքեն
Պաղեստինյան ՀԱՄԱՍ արմատական շարժումն Իսրայելից Գազայի հատվածում հրադադարի «չափազանց շռայլ» առաջարկ է ստացել։ Այս մասին Էր Ռիադում Համաշխարհային տնտեսական համաժողովի հատուկ նստաշրջանում հայտարարել է ԱՄՆ պետքարտուղար Էնթոնի Բլինքենը։
«Ցանկանում եմ խորին երախտագիտություն հայտնել Կատարի և Եգիպտոսի մեր բարեկամներին, որոնք մեծ դեր են խաղացել հրադադարի հասնելու և պատանդներին ազատ արձակելու գործում: Ներկայում ՀԱՄԱՍ-ի առջև դրված է Իսրայելի չափազանց շռայլ առաջարկը: Միակ բանը, որն այս պահին կանգնած է Գազայի ժողովրդի և հրադադարի միջև, ՀԱՄԱՍ-ն է», – ԱՄՆ պետքարտուղարի խոսքերն է մեջբերում ՏԱՍՍ-ը։
Միևնույն ժամանակ Բլինքենը հայտարարել է, որ ԱՄՆ-ն աջակցում է Իսրայելին, բայց միևնույն ժամանակ ձգտում է դադարեցնել Գազայի ժողովրդի «սարսափելի տառապանքները»։ Միևնույն ժամանակ Բլինքենը հայտարարել է, որ ԱՄՆ-ն աջակցում է Իսրայելին, բայց միևնույն ժամանակ ձգտում է դադարեցնել Գազայի ժողովրդի «սարսափելի տառապանքները»։
«Մենք վճռականորեն աջակցում ենք Իսրայելին հոկտեմբերի 7-ի կրկնություն թույլ չտալու իր ջանքերում։ Բայց միևնույն ժամանակ, մենք լի ենք վճռականությամբ հնարավորինս ամեն ինչ անելու, որ վերջ դրվի այն սարսափելի տառապանքներին, որ ամեն օր տեսնում ենք Գազայում», – ասել է Բլինքենը համաժողովում:
ԱՄՆ պետքարտուղարը նաև հայտարարել է, որ Միացյալ Նահանգները չի աջակցի Իսրայելի հնարավոր գործողությանը Գազայի հատվածի Ռաֆահ քաղաքում, քանի որ չի տեսել ծրագիր, որը ենթադրում է խաղաղ բնակչության պաշտպանությունը:
Ինչպես ավելի վաղ հայտնել էինք, Բլինքենը գտնվում է Սաուդյան Արաբիայում, որից հետո մեկնելու է Հորդանան և Իսրայել։
