Ֆրանսիայի դեսպանը Սյունիքի մարզպետի հետ քննարկել է անվտանգային իրավիճակն ու այցելել Կապանի օդանավակայան
Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին Սյունիքի մարզ այցի շրջանակում հանդիպել է մարզպետ Ռոբերտ Ղուկասյանի հետ, նաև այցելել է Կապանի օդանավակայան:
Դեսպանն այս մասին գրառում է կատարել ու լուսանկարներ հրապարակել X-ի իր միկրոբլոգում:
«Հանդիպում Սյունիքի մարզպետ պարոն Ռոբերտ Ղուկասյանի հետ. անվտանգային իրավիճակ, ենթակառուցվածքների զարգացում, բժշկական համագործակցություն, Օվերն-Ռոն-Ալպեր շրջանի հետ գործընկերություն»,–գրել է Օլիվիե Դըկոտինյին:
Դեսպանը մարզպետի հետ այցելել է նաև Կապանի օդանավակայն:
«Այց Սյունիքի մարզի Կապանի օդանավակայան, որը Հայաստանի ինքնիշխան ենթակառուցվածք է»,–լուսանկարին կից գրել է Ֆրանսիայի դեսպանը:
