Սիրիայի հակաօդային պաշտպանությունը հետ է մղել իսրայելական հրթիռային հարձակումը Դամասկոսի վրա

Իսրայելի ռազմաօդային ուժերը հրթիռային հարվածներ են հասցնում Դամասկոսի արվարձաններին։

Ինչպես հաղորդում է «ՏԱՍՍ»-ը, այս մասին հայտնել է սիրիական «Sham FM» ռադիոկայանը։

Ռադիոկայանի տեղեկություններով՝ սիրիական հակաօդային պաշտպանության համակարգերը կրակ են բացել հակառակորդի ուղղությամբ և հետ են մղել Իսրայելի հարձակումը:

Ավելի վաղ ռադիոկայանը հայտնել էր մի քանի պայթյունների մասին, որոնք տեղի են ունեցել Դամասկոսի արվարձաններում: