Ինչու «Պատիվ ունեմ» խմբակցությունից որևէ պատգամավոր ընդգրկված չէ դիտորդների կազմում. «Հրապարակ»
«Հրապարակ» թերթը գրում է. «Չնայած հայ-ռուսական լարված հարաբերություններին, ՀՀ-ում ՌԴ դեսպանատունը դիմել է ՀՀ ԱԺ-ին` խնդրելով դիտորդներ գործուղել Մոսկվա՝ դիտարկելու մարտի 17-ի նախագահական ընտրությունները։
4 պատգամավոր է մեկնելու՝ ԱՊՀ միջխորհրդարանական վեհաժողովի պատվիրակության կազմում ընդգրկված ՔՊ-ականներ Ալեքսեյ Սանդիկովը և Միքայել Թումասյանը, պատվիրակության կազմում են նաև Փաշինյանի քավորական ընտանիքից պատգամավոր Վահե Ղալումյանը և «Հայաստան» դաշինքից ՔՊ-ականների սիրելի Արմեն Գևորգյանը:
Ուշագրավ է, որ «Պատիվ ունեմ» խմբակցությունից որևէ պատգամավոր ընդգրկված չէ:
Ըստ ամենայնի, Ալեն Սիմոնյանը սրանով իր բացասական վերաբերմունքն է արտահայտել այս խմբակցության նկատմամբ»։
