Թուրքիայում ընտրություններից առաջ ահաբեկչություններ նախապատրաստելու մեջ կասկածվող 33 մարդ է ձերբակալվել
Թուրքիայի անվտանգության գլխավոր վարչության աշխատակիցները երկրի հյուսիս-արևմուտքում գտնվող Սաքարյա նահանգում ձերբակալել են 33 մարդու, ովքեր կասկածվում են մարտի 31-ին նշանակված տեղական ինքնակառավարման մարմինների ընտրություններից առաջ ահաբեկչություններ նախապատրաստելու մեջ։
Այս մասին X-ում հայտնել է հանրապետության ՆԳՆ ղեկավար Ալի Էրլիկայան, փոխանցում է ՏԱՍՍ-ը։
«Սաքարիայում «Իսլամական պետություն» խմբավորման դեմ իրականացվող գործողության շրջանակներում, ձերբակալվել է 33 կասկածյալ։
Նրանք նախապատրաստվել են ահաբեկչություններին և ուսումնասիրել են հարձակումներ իրականացնելու հնարավորությունները տեղական ինքնակառավարման մարմինների ընտրություններից առաջ։
Պարզվել է նաեւ, որ այդ անձինք գործունեություն են ծավալել անօրինական աղոթարանների քողի տակ», – հայտնել Է նախարարը։
«Խուզարկությունների ընթացքում առգրավվել է զենք, զինամթերք, արգելված գրականություն եւ մեծ քանակությամբ արտարժույթ»,- նշել է Էրլիկայան:
