Հայաստանի և Ադրբեջանի ԱԳ նախարարները պետք է առաջիկայում հանդիպեն. ԶԼՄ
Հայաստանի ԱԳ նախարար Արարատ Միրզոյանին և Ադրբեջանի ԱԳ նախարար Ջեյհուն Բայրամովին հանձնարարվել է առաջիկայում հանդիպել։ Այս մասին հայտնում է ադրբեջանական APA-ն։
«Մյունխենում Հայաստանի և Ադրբեջանի ղեկավարների երկկողմ հանդիպմանը 2 երկրների արտաքին գործերի նախարարներին հանձնարարվել է առաջիկայում կրկին հանդիպել և շարունակել բանակցությունները խաղաղության համաձայնագրի շուրջ»,- ասված է հաղորդագրությունում։
Նշվում է, որ ԱԳ նախարարներին հանձնարարվել է նաև շարունակել սահմանի դելիմիտացիայի վերաբերյալ բանակցությունները։
ՀՀ վարչապետի մամուլի ծառայությունը Փաշինյան-Շոլց-Ալիև հանդիպումից հետո հայտնել էր, որ Երևանը և Բաքուն պայմանավորվել են շարունակել խաղաղության պայմանագրին առնչվող աշխատանքները։
Մինչ այդ Մյունխենում Փաշինյանը Հայաստան–Ադրբեջան հարաբերությունները քննարկել էր ԱՄն պետքարտուղար Էնթոնի Բլինկենի հետ։
