Սևակ Քեթենջյանը՝ Հայաստանի բասկետբոլի Մ18 հավաքականի գլխավոր մարզիչ
Բասկետբոլի Եվրոպայի C դիվիզիոնի առաջնությունում Հայաստանի մինչև 18 տարեկանների հավաքականը կգլխավորի Սևակ Քեթենջյանը։
Այս մասին հայտնում է Հայաստանի բասկետբոլի ֆեդերացիան: Քեթենջյանը Բեյրութի Հ․Մ․Ը․Մ․-ի նախկին բասկետբոլիստ է: 2018 թվականին նա դարձել է Լիբանանի առաջնության չեմպիոն և գավաթակիր:
Որպես մարզիչ 2022-2023 թվականներին ընդգրկված է եղել Հայաստանի մինչև 16 տարեկանների հավաքականների մարզչական շտաբում՝ օգնելով Զորիկ Իսաջանիին:
2023 թվականին մասնակցել է ՖԻԲԱ-ի Եվրոպայի մարզչական վկայականի հատուկ ծրագրին։
Եվրոպայի C դիվիզիոնի առաջնությունը տեղի է ունենալու հուլիսի 23-28-ը Ալբանիայում:
