Ղազախստանի նոր վարչապետ են նշանակել Օլժաս Բեկտենովին
Ղազախստանի նախագահ Կասիմ-Ժոմարտ Տոկաևն իր վարչակազմի նախկին ղեկավար Օլժաս Բեկտենովին նշանակել է հանրապետության վարչապետի պաշտոնում։
«Օլժաս Աբաևի Բեկտենովին նշանակել Ղազախստանի Հանրապետության վարչապետ՝ ազատելով նախկինում զբաղեցրած պաշտոնից», – ասված է նախագահի հրամանագրում։
Ավելի վաղ Մաժիլիսի (խորհրդարանի ստորին պալատի) պատգամավորները նիստում ձայների մեծամասնությամբ համաձայնություն են տվել նախագահին՝ հաստատելու Բեկտենովի թեկնածությունը կառավարության ղեկավարի պաշտոնում:
Տոկաևը փետրվարի 5-ին լուծարել էր Ղազախստանի կառավարությունը՝ վարչապետ Ալիխան Սմաիլովի գլխավորությամբ։ Կառավարությունը փոխելու որոշումը պայմանավորված է այն հանգամանքով, որ նախարարների կաբինետը չի ապահովել Ղազախստանի նախագահի կողմից առաջ քաշված նպատակների իրականացումը, որոնք առնչվում են երկրի արդյունաբերականացմանն ու տնտեսական աճ ապահովելուն։
