ՀԱՄԱՍ-ը նախնական համաձայնություն է տվել պատանդների ազատ արձակման համար զինադադարին
ՀԱՄԱՍ արմատական շարժումը նախնական համաձայնություն է տվել Գազայի հատվածում Իսրայելի հետ երկրորդ զինադադարին և պատանդների, գերիների փոխանակման առաջարկին: Այս մասին հայտնում «Ինտերֆաքս»-ը՝ վկայակոչելով Կատարի ԱԳՆ ներկայացուցչին։
Նրա խոսքով՝ հրադադարի մասին համաձայնագիրը, որը միջնորդները համաձայնեցրել են իսրայելական կողմի հետ, խմբավորմանը ներկայացրել են փետրվարի 1-ին: Ավելի վաղ այն հաստատել էր իսրայելական կողմը, այժմ միջնորդները նախնական հաստատում են ստացել ՀԱՄԱՍ-ից։
Ըստ դիվանագետի՝ առաջիկա մի քանի շաբաթների ընթացքում հնարավոր զինադադարի վերաբերյալ դրական նորությունների հույս կա:
