Կողաշրջվել է գազատար ավտոցիստեռնը․ կա զոհ
Լոռու մարզային փրկարարական վարչության ճգնաժամային կառավարման կենտրոն դեկտեմբերի 21-ին ժամը 07:36-ին ահազանգ է ստացվել, որ Հաղպատ գյուղի մոտակայքում տեղի է ունեցել ՃՏՊ՝ բենզատար ավտոցիստեռնը կողաշրջվել է, կա տուժած. ճանապարհը երկկողմանի փակ է։
Փրկարար ծառայությունից հայտնում են, որ պարզվել՝ Ալավերդի-Բագրատաշեն ավտոճանապարհի 4-րդ կմ-ին «MAN» մակնիշի գազատար ավտոցիստեռնը (վարորդ՝ Ա․ Կ․, ծնված 1963 թ․) կողաշրջվել է և ամբողջությամբ փակել ճանապարհը. վարորդը մահացել է։
Փրկարարները սահմանազատել են ճանապարհը և Ալավերդու ՃՇՇ աշխատակիցների հետ միասին մեքենան հեռացրել երթևեկելի հատվածից․ ավտոճանապարհը երկկողմանի երթևեկելի է։
