Եվրախորհրդարանում Ֆոն դեր Լեյենի ելույթի ավարտին բարձրախոսներից լսվել է շան հաչոց
Եվրահանձնաժողովի ղեկավար Ուրսուլա ֆոն դեր Լեյենի ելույթը Եվրախորհրդարանի նիստում ավարտվել է շան բարձր հաչոցով, ինչը շարժել է պատգամավորների ծիծաղը: Ձայնը հեռարձակվել է Ստրասբուրգում Եվրախորհրդարանի նիստերի կենտրոնական սենյակի աուդիո համակարգով, գրում է ՏԱՍՍ-ը։
Այդ պահին Ֆոն դեր Լեյենը խոսելիս է եղել Եվրոպայի հզորության մասին և կոչ արել քաղաքացիներին ցույց տալ այն իր ողջ փառքով։
«Եկեք մեր քաղաքացիներին ցույց տանք Եվրոպայի հզորությունը, երբ նա միասնական է և գլուխը բարձր կանգնած է։ Փառք Եվրոպային»,-ասել է Ֆոն դեր Լեյենը:
