Ալժիրի տնտեսության մեջ Թուրքիայի ներդրումները գերազանցել են 6 մլրդ դոլարը
Թուրքիայի նախագահ Ռեջեփ Թայիփ Էրդողանը Ալժիրի նախագահ Աբդուլմեջիդ Թեբունի հրավերով պաշտոնական այց կկատարի Ալժիր։
Այցի օրակարգում են Թուրքիա-Ալժիր հարաբերությունները, ինչպես նաև տարածաշրջանային հարցեր, այդ թվում Գազայում ստեղծված իրավիճակը։
Ալժիրում Թուրքիայի դեսպան Մուհամմեթ Մուջահիդ Քյուչուլմազի խոսքերով, այցի շրջանակներում հնարավոր է երկարաձգվի Ալժիրի պետական նավթագազային Sonatrach ընկերության և թուրքական BOTAŞ-ի միջև պայմանագիրը։
Նրա խոսքով՝ երկու երկրների միջև տնտեսական կապերը զարգացնելու մեծ ներուժ կա։ Ալժիրի տնտեսության մեջ Թուրքիայի ներդրումներն արդեն գերազանցել են 6 մլրդ դոլարը։
«Թուրքիայի և Ալժիրի միջև ապրանքաշրջանառությունը 2022 թվականին կազմել է 5.3 միլիարդ դոլար, հուսով ենք,որ դա կհասցվի 10 մլրդ-ի», – նշել է նա։
